नेपाली हिन्दुहरूको चाड दसैंलाई अमेरिकामा पहिलो पटक कानुनी रुपमै ‘दसैं डे’ को मान्यता मिलेको छ ।
मेरिल्यान्डको तल्लो र माथिल्ला दुवै सदनले ‘दसैं डे’ कानुनलाई पारित गरेपछि नेपालीहरुको चाडलाई मनाउनको लागि मेरिल्यान्डका गभर्नर वेज मूरले अक्टोबर ५ मा एउटा ‘प्रोक्लेमेसन’ जारी गर्दै ‘दसैं डे’ घोषणा गरेका हुन् ।
मे ४ मा विधयेकमा हस्ताक्षर गरिएपछि राज्यको कानुनमा दसैंलाई मान्यता दिइएको हो । अब मेरिल्यान्डमा दसैं विधयेकबारे विभिन्न शिक्षण संस्थाहरुमा समेत पढाइ हुन्छ ।
अमेरिकामा यसरी कानुनी रुपमै ‘दसैं डे’ घोषणा हुने मेरिल्यान्ड पहिलो र एकमात्र राज्य बनेको छ । राज्यले नै ‘दसैं डे’ घोषणा गरेपछि नेपालीहरु बाल्टिमोरमा धुमधामका साथ मनाएका छन् ।
नेपाली मुलका मेरिल्यान्डका सांसद ह्यारी भण्डारीले उक्त ‘दसैं डे’ विधेयकलाई सदनमा दर्ता गराएर दुवै सदनबाट अनुमोदन गर्ने कार्यमा सक्रिय भूमिका खेलेका हुन् । विविधताको मुलुक हुने भन्ने प्रष्ट पारेको छ । ‘अमेरिकाको सबैभन्दा धनी राज्यमा मेरिल्यान्ड हो । अमेरिकाको सबैभन्दा धनी राज्य, सबैभन्दा मनकारी राज्य भयो,’ उनले भने,‘मलाई लाग्छ, अमेरिकाका अरु राज्यहरुले पनि त्यसलाई आत्मसाथ गरेर अघि बढ्ने छन् ।’
