सरकार र शिक्षकहरूबीच गृह मन्त्रालयमा वार्ता सुरु

काठमाडौंः सरकार र आन्दोलनरत शिक्षकहरूबीच गृह मन्त्रालयमा वार्ता सुरु भएको छ । आन्दोलनरत शिक्षक कर्मचारीहरूले वार्तामा राखेका मागका विषयमा छलफल थालिएको छ ।

वार्तामा शिक्षक कर्मचारीहरूलाई मागका विषयमा आफ्नो धारणा राख्ने समय दिइएको छ । त्यसपछि सरकारको तर्फबाट सरकारी वार्ता टोलीले आफ्नो धारणा राख्नेछ ।

असोज २ गतेदेखि शिक्षा विधेयकमा विमति जनाउँदै शिक्षक कर्मचारीहरू आन्दोलन गर्दै आएका छन् । विधेयकमा उनीहरूले विभिन्न १८ बुँदे माग संशोधनको माग राख्दै आएका छन् । आन्दोलनरत शिक्षकहरूले आन्दोलन र वार्तालाई सँगसँगै अघि बढाएका हुन् ।