• फागुण ९, २०८० बुधबार
    21 Feb, 2024, Wednesday

    इजरायलबाट घाइतेको उद्दार र मृतकको शव ल्याउने कार्य तत्काल गर्न एमाले अध्यक्ष ओलीको माग


    २०८० असोज २२, सोमबार

    २०८० असोज २२, सोमबार

    काठमाडौंः नेकपा एमालेका अध्यक्ष केपी शर्मा ओलीले इजरायलमा जारी युद्धमा परी मृतक भएका नेपालीको शव र घाइतेहरुको यथाशिघ्र उद्धार गरी नेपाल ल्याउनु पर्ने बताउनु भएको छ ।

    सोमबार विहान सामाजिक सञ्जालमा एक स्ट्याटस लेख्नु हुँदै अध्यक्ष ओलीले अतिवादी समुह हमासद्धारा इजरायलमा गराईएको आक्रमणमा परी १० नेपालीको ज्यान गएको भन्दै मृतक नेपालीको शव र घाइतेहरुको यथाशिघ्र उद्धार गरी नेपाल ल्याउन सरकारसँग  सो आग्रह गर्नुभएको हो ।

    ‘नेपालबाट ‘लर्न एन्ड अर्न’ योजनामा इजरायलको कृषि फर्ममा काम गर्न र सीप सिक्न गएका नेपाली विद्यार्थीको आक्रमणमा परी ज्यान गयो, दशैंको मुखमा सन्तान गुमाउनुको पीडा भोग्नु भएका परिवार र आफन्तजनलाई सम्हालिन कठिन भएको छ, हामी सबै शोकमा छौं,’ ओलीले भन्नुभयो, ‘घाइतेको तत्काल उद्दार गर्न, बन्धक बनाइएकाहरुको रिहाइ र मृतकको शब ल्याउने यथाशीघ्र प्रबन्ध गर्न सरकारको ध्यान जाओस्। ज्यान गुमाएका नेपाली विद्यार्थीप्रति श्रद्धाञ्जली,  परिवारजनमा समवेदना ।’

    इजरायलमाथी अतिवादी समुह हमासले अचानक गरेको आक्रामणमा सयौंको ज्यान गएको छ भने दुवै पक्षबिच भिडन्त अझै पनि जारी छ ।

    प्रतिक्रिया

    मिल्दो जुल्दो खबर