चिनिया जनमुक्ती सेनाको टोली काठमाडौं आउँदै

काठमाडौंः चिनियाँ सेनाको टोली आज नेपाल आउने भएको छ । नेपाली सेनाका सूचना अधिकारी सहायक रथी कृष्ण प्रसाद भण्डारीका अनुसार चीनको तिब्बत मिलिट्री कमान्डको मेजर जनरल यु एन दे नेतृत्वको टोली ‍आज दिउँसो काठमाडौं अवतरण गर्नेछ ।

उहाँहरू औपचारिक भ्रमणमा आउन लाग्नुभएको हो,’ सहायक रथी भण्डारीले भने । चिनियाँ सेनाको टोली तीन दिन काठमाडौंमा रहनेछन् । सो अवधिमा प्रधानसेनापति प्रभुराम शर्मासँग भेटवार्ता लगायतका कार्यक्रम रहेको सहायक रथी भण्डारीले जानकारी दिए ।