• असार ३०, २०८१ शनिबार
    13 Jul, 2024, Saturday

    जीवराज आश्रित बहुप्राविधिक शिक्षालयका विद्यार्थीको शुल्क गाउँपालिकाले बेहोर्ने


    २०८१ असार १५, शुक्रबार

    २०८१ असार १५, शुक्रबार

    काठमाण्डौं : गुल्मीको इस्मा गाउँपालिकाले जीवराज आश्रित बहुप्राविधिक शिक्षालयमा विद्यार्थीलाई निःशुल्क रुपमा अध्यापन गराउने भएको छ।

    इस्माअन्तर्गत वडा नं ५ मा रहेको जीवराज आश्रित बहुप्राविधिक शिक्षालयमा अध्ययनरत सबै विद्यार्थीको शुल्क गाउँपालिकाले बेहोर्ने निर्णय गरेको हो।

    गाउँपालिका अध्यक्ष भगतसिंह खड्काका अनुसार सबै विद्यार्थीले अब निःशुल्क प्राविधिक शिक्षा अध्ययन गर्न पाउने भएका छन्।

    गाउँपालिकाले आगामी आव ०८१/८२ को नीति तथा कार्यक्रममा समेटेर सोहीबमोजिम बजेट व्यवस्थापन गरी जीवराज आश्रित बहुप्राविधिक शिक्षालयमा अध्ययनरत सबै विद्यार्थीको शुल्क गाउँपालिकाले तिरिदिने उनले जानकारी दिए।

    शिक्षालयमा तीनवर्षे सर्वेक्षक अध्ययन/अध्यापन हुने तर विद्यार्थीको खर्च बढी हुने हुँदा प्राविधिक शिक्षा पढ्न इच्छा भए पनि कतिपय विद्यार्थी पढ्नबाट वञ्चित हुनुपर्ने बाध्यता छ।

    उक्त समस्या अन्त्यका लागि आगामी आवदेखि निःशुल्क प्राविधिक शिक्षाको व्यवस्था गरिएको अध्यक्ष खड्काले बताए।

    निःशुल्क प्राविधिक शिक्षाको व्यवस्था गरेपछि विद्यार्थीको आकर्षण बढ्ने र गाउँमै निःशुल्क तथा गुणस्तरीय प्राविधिक शिक्षाको सुनिश्चितता हुने विश्वास गाउँपालिकाले लिएको छ।

    “प्राविधिक शिक्षा महँगो भएका कारण गरिबले पढ्न सक्दैनन् भन्ने बुझाइ छ। यस अवस्थामा सबैको समान पहुँच, गाउँमै गुणस्तरीय शिक्षा लिन सकिन्छ भन्ने उद्देश्यले निःशुल्क प्राविधिक शिक्षा दिने नीति लिएका छौँ”, अध्यक्ष खड्काले भने। जीवराज आश्रित बहुप्राविधिक शिक्षालय ३ वर्षअघि स्थापना गरिएको हो।

    प्रतिक्रिया

    मिल्दो जुल्दो खबर