• जेठ १४, २०८१ सोमबार
    27 May, 2024, Monday

    अब ड्राइभिङ लाइसेन्सबाट समेत नागरिक एपको खाता खोल्न सकिने


    २०७९ असार ८, बुधबार

    २०७९ असार ८, बुधबार

    अब सवारी चालक अनुमतिपत्र बाटै नागरिक एप भेरिफाई गर्न सकिने भएको छ । नागरिक एपमा आएको पछिल्लो अपडेटसँगै यो सुविधा थपिएको हो ।

    यसअघि राहदानी, नागरिकता र मतदाता परिचयपत्रबाट नागरिक एपमा खाता खोल्न सकिने अवस्था थियो । अब भने प्रयोगकर्ताले स्मार्ट लाइसेन्स राखेर नागरिक एपको खाता खोल्न तथा प्रमाणीकरण गराउन सक्नेछन् ।

    नागरिकता, मतदाता परिचयपत्र र राहदानी प्रयोग गरी नागरिक एप प्रमाणीकरण गर्न नसकेका प्रयोगकर्ताका लागि यो सुविधाले सहजता ल्याउने अपेक्षा गरिएको छ ।

    तर पुराना कागजी लाइसेन्सले भने यसक्रममा काम गर्ने छैन । केही साताअघि मात्र एपमा ड्राइभिङ लाइसेन्स लिङ्क गर्न सकिने फिचर आएको थियो ।

    नागरिक एपमा प्यान नम्बर लिन, पुलिस क्लियरेन्स रिपोर्ट लिन, सवारी कर विवरण हेर्न तथा तिर्न सकिने सुविधाका साथै हेलो सरकारमा नागरिकका गुनासो टिपाउन सकिने सुविधा उपलब्ध छ ।

    त्यस्तै एपमा नजिकै रहेको प्रहरी कार्यालयहरूको जानकारी, मालपोतमा रहेको आफ्नो जग्गाको विवरण, स्वास्थ्य बीमाको सुविधा, कोरोना भ्याक्सिनको सर्टिफिकेट प्राप्त गर्न सकिने लगायतका सुविधा समेत छन् ।

    प्रतिक्रिया

    मिल्दो जुल्दो खबर