• असार ३०, २०८१ शनिबार
    13 Jul, 2024, Saturday

    धितोपत्र बोर्डको अध्यक्ष नियुक्तिका सबै प्रक्रिया रद्द


    २०८१ असार १५, शुक्रबार

    २०८१ असार १५, शुक्रबार

    काठमाण्डाैंः नेपाल धितोपत्र बोर्डको अध्यक्ष नियुक्ति प्रक्रिया अन्ततः रद्द भएको छ । अर्थ मन्त्रालयले सूचना निकालेर अध्यक्षको नाम सिफारिश गर्न अहिलेसम्म सम्पन्न गरिएका छनोटसम्बन्धी सबै प्रक्रिया रद्द गरिएको जनाएको छ । मन्त्रालयले रद्द हुनुको कारण भने उल्लेख गरेको छैन ।

    बोर्डको अध्यक्ष सिफारिश गर्न गठित समितिले असार पहिलो हप्ता अध्यक्ष पदमा प्रतिस्पर्धामा रहेका संक्षिप्त सूचीका मुक्तिनाथ श्रेष्ठ, सन्तोष नारायण श्रेष्ठ, नवराज अधिकारी, चिरञ्जीवी चापागाईँ र कृष्णबहादुर कार्की गरी पाँच जनालाई अन्तर्वार्ताका लागि बोलाएको थियो ।

    पाँचमध्ये तीन जनाको नाम मन्त्रिपरिषदमा सिफारिश गर्ने योजना थियो । तर अन्तरवार्ताका लागि दुई जना मात्रै उपस्थित भएपछि छनोट प्रक्रिया विवादित बनेको हो ।

    धितोपत्र बोर्ड ऐन २०६३ ले बोर्ड अध्यक्षका लागि सिफारिश समितिले कम्तीमा तीन जनाको नाम मन्त्रिपरिषद्मा सिफारिश गर्नुपर्ने व्यवस्था गरेको छ । धितोपत्र बजारको नियमन गर्ने निकाय धितोपत्र बोर्डमा नयाँ अध्यक्ष नियुक्तिका लागि सरकारले चार महिनाअघि प्रक्रिया शुरु गरेको थियो ।

    प्रतिक्रिया

    मिल्दो जुल्दो खबर